“Sot je marrë gjatë me kryetarin e PD-së. E ke të shkurtër shumë, shumë jetën në politikë. Se me dy fantazma në shpirt një të Sali Berishës dhe një të Lul Bashës ti do thyesh qafën shumë shpejt”.
Kjo ka qenë deklarata “kërcënuese” e Sali Berishës nga fotorja e Kuvendit, adresuar kryeministrit Edi Rama.
Më herët Berisha ju rikthye një shkrimi të Andi Bushatit, sipas të cilit ai erdhi me një valixhe druri në Tiranë.
“Në një kohë kur baballarët e tyre kanë thyer kocka njerëzish, kanë izoluar njerëz, kanë krijuar drama njerëzore, kjo nuk është asgjë tjetër veçse shndërrim i krimit në kapital moral. Unë nuk e kam dyshuar këtë. Mund të jem nga më të paktët që e kam konstatuar. Unë nuk e konsideroj djalin përgjegjës për të atin, por nëse djali mburret me jetën e parajsës që ka bërë, nuk ka asgjë më të shëmtuar, nuk ka gjë më të dhimbshme. Do ishte e dënueshme për Berishën nëse do tu thoshte ju neobllokmenë vetëm për shkak të pozitës së krimeve të prindërve tuaj nëse ju do ti kishit dënuar ato krime. Për sa i përket fjalëve që i thua ti, do të them kaq: me valixhe druri apo hekuri, parajsën e etërve tuaj ua bëmë copë e çikë”, u shpreh Berisha.
Gjatë debatit në Kuvend me kryeministrin Rama, Berisha tha se nuk ka qenë mjek personal i asnjë prej zyrtarëve të lartë të regjimit komunist.
Sipas tij, “unë në periudhën kardiolog në spital i kam shërbyer të gjithë shqiptarëve, përveç Enver Hoxhës, nga të burgosur në anëtarë të byrosë politike. Kam refuzuar në mënyrë kategorike të jem mjek personal i ndonjërit prej tyre. Këtë e di shumë mirë. Në atë kohë nuk ishte e thjeshtë, por dua të them…mjek personal kushërirë (i drejtohet Haritos), do të thotë tjetër gjë. Mjek personal do të thotë të merrje rrogën në grupin e tyre. Kurrë dhe asnjë ditë të vetme. E kam refuzuar në mënyrë të prerë sepse isha i apasionuar në punën time në spital. Nuk kam marrë rrogën në asnjë grup përveçse rrogës sime. Më pas më është dhënë mundësia të shoh firmat e Vito Kapos në ekzekutime njerëzish. Ty me Bushatin të bashkojnë krimet familjare”.
BATUTA/ Berisha “kërcënon” Ramën
