Ambasadorët e rinj të dekretuar nga Presidenti
Presidenti Bujar Nishani dekretoi sot emërimin e disa ambasadorëve shqiptarë në vende të ndryshme.
Sipas dekreteve të firmosura nga presidenti, mësohet se Saimir Bala është emëruar ambasador rezident në Shtetin e Kuvajtit.
Po kështu, Presidenti Nishani dekretoi edhe emërimin e Genti Gazhelit, ambasador në Republikën e Turqisë, rezident, si dhe në Republikën e Azerbajxhanit, në Republikën Islamike të Iranit, Republikën e Kirgistanit, Republikën Islamike të Pakistanit dhe në Republikën e Gjeorgjisë, jorezident.
Presidenti Nishani dekreton edhe emërimin e Anila Bitri, ambasadore në Republikën e Italisë, rezidente, si dhe në Republikën e Maltës, në Republikën e San Marinos dhe pranë Organizatës Ndërkombëtare të Bujqësisë dhe Ushqimit “FAO”, jorezidente.
