Nga Kodiku:
“1735: Në kohën e djegies së tokave kompania e Ndëshkimit nga Zoti vrau Theodor Goton, Kostë Bizukën dhe Niko Theoharin brenda Shën Pararendësit. Kjo kompani kishte kumandarë Xhongo Bratanin, Filip Topallin dhe Thanas Goxhon, të cilët e themeluan kompaninë që prej vitit 1732”.
“1735: U mblodh i gjithë qyteti te manastiri i Shën Pararendësit edhe, si i kënduan Shën Pararendësit ‘Krishti u Ngjall’, e gjithë kompania që kishte ardhur aty u ngritën dhe vranë në fillim Theodor Goton mu përpara portës, me një të rënë të dyfekut, duke i dhënë fund. Mbas tij erdhi për të kaptuar derën Kosta, vëllai i vogël i Bizukëve, edhe zunë ta qëllonin me dyfek deri sa e vdiqën. Nuk u mjaftuan vetëm me dyfek, por filluan edhe me hanxharë duke e bërë fërtele-fërtele. Nikollë Peskara u mbyll në odën e igumenit dhe mendoi se aty e kishte kokën të sigurtë, por i ranë mbrapa ata të kompanisë edhe, si shpërthyen derën, zunë ta qëllonin me dyfekë e me hanxharë deri sa e vdiqën duke e bërë 100 copash. Tmerr i vërtetë në tri ditët e Pashkës edhe kështu vdiqën ata që të falur qofshin edhe i shkrova këto që ju njerëzit ta dini përgjithmonë”.
(Nga: “Kodiku i të shenjtit të lavdishmit profetit Pararendës (Prodhrom) dhe Joan Pagëzorit në Voskopojën lavdimadhe dhe që së fundmi nga igumeni i gjithëshenjti kir Partheni mbërriti të kryhet përmban themelimin e këtij Manastiri të shenjtë që nga zanafilla e tij me gjithë kontributin e ktitorëve drejtimin e igumenëve praktikantë njëri mbas tjetrit dhe vullnetin e mirë të tyre në paraqitjen e këtij Manastiri të shenjtë me gjithë të krishterët e përkushtuar të këtij manastiri i përjetshëm kujtimi i tyre”.)
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
