Një ndër kundërshtarët e deputetit Kokëdhima në PS është Fatmir Toci, deputet i Vlorës i cili ka avancuar me krahasimet për himarjotin. “Sot nuk qe si Ali Pasha por si Enveri” i tha ai Edi Ramës fill pas fjalimit që kokëdhima mbajti në kativin e PS-së së Vlorës.
Dje pasdite kryeministri Rama ka zhvilluar një takim të mbyllur vetëm me shtabin e strukturimit të partisë në Vlorë e Gjirokastër. Në takim morën pjesë deputetët e të dy qarqeve, kryetarët e bashkive dhe disa nga drejtuesit kryesore të institucioneve të jugut. Burime nga kjo mbledhje thanë për “Shqiptarja.com” se për herë të parë mbas shumë kohësh, kreu i PS-së ka ulur në një tryezë koordinatorin Koço Kokëdhima dhe deputetin Fatmir Toçi.
Rama u ka kërkuar dy deputetëve të ulen bashkë dhe të zgjidhin mosmarrëveshjet dhe mbledhja është shoqëruar me nota të larta humori, që duket se ka shënuar një bindje të përbashkët të deputetëve ndaj kreut të partisë.
