Tre të rinj kanë humbur jetën gjatë një aksidenti të rëndë në Itali ndërsa katër të tjerë janë plagosur. Mes tyre motër e vëlla nga Shqipëria,por me banim në Itali humbën jetën në një aksident tragjik në aksin Milano- Brescia. Një furgon është përplasur me një makinë duke shkaktuar humbjen e tre pasagjerëve që ndodheshin në makinën tip Suzuki.
Në një moment ata kanë ndaluar për të parë një tjetër aksident që kishte ndodhur më parë kur makina e tyre është përplasur nga një furgon. Motër e vëlla, Daniela dhe Antonio Ago, dhe miku i tyre Alberto Casagrande humbën jetën menjëherë në aksidentin e ndodhur mbrëmjen e së enjtes në autostradën A4 Milano- Brescia.
Në këtë aksident janë përfshirë dhe 6 makina të tjera. Media italiane shkruajn se ndërsa ishte shkuar në vendngjarje për ti ardhur në ndihmë të plagosurve të aksidentit të parë, drejtuesi I furgonit, ndoshta për shkaktë një problem shëndetësor, nuk ka ndaluar duke shkaktuar përplasje.
Shtetasit me origjinë shqiptare janë 21 dhe 23 vjeç. Ndërsa djaloshi Italian ishte 23 vjeç. Gjithashtu kanë mbetur të plagosur dhe dy gra dhe dy burra të cilët janë transportuar në spitalin e Bergamos.
