“Nuk kam tradhtuar LMN (Lëvizja e Mendimit Ndryshe), ishte shumë e vështirë të shkoje drejt një përcarje ndërkohë që PS ishte në opozitë. Presioni vinte në drejtimin që ne krijonim një parti tjetër”, tha Blushi.
Pak vite më parë një grup deputetësh brenda PS-së iu kundërvunë Ramës si kryetar partie. Në këtë grup përvec Blushit ishin edhe Kastriot Islami, Arben Malaj, Marko Bello, Andis Harasani, Musa Ulqini.
“Edhe nëse humbas në garë unë do të mbetem në PS. Por në fillim kërkoj të ketë zgjedhje, dhe të ketë zgjedhje të drejta.
Zgjedhjet me emërim është biznes privat, nuk është garë, nuk është parti. PS duhet të shpallin zgjedhjet”, tha Blushi.
