Deputeti i PS-së, Ben Blushi ka deklaruar se do të kandidojë për kreun e PS-së nëse do të ketë zgjedhje të lira në Kongresin e PS-së, më 19 mars, gjatë intervistës në Top Story të Sokol Ballës.
Blushi deklaroi se ka përvojën dhe kapacitete të drejtojë Partinë Socialiste më mirë se kryetari aktual.
Në këtë mënyrë, Blushi zyrtarizon në një farë mënyrë kandidimin e tij për kreun e PS-së.
Mundësinë e fitores përballë kryeministrit në një parti të madhe në pushtet, Blushi e ilustroi me zgjedhjet brenda partisë liberale në Australi dhe asaj demokratike në Itali, kur kryeministrat zhvilluan zgjedhjet brenda partive të tyre dhe i humbën ato, duke ua lënë kreun e qeverive sfidantëve fitues.
Ben Blushi nuk ka la pa ironizuar me lajmin e publikuar së fundmi në media, se Eduart Ndocaj po përgatitet për të kandiduar për kreun e PS-së më 19 mar në Kongresin e PS-së.
“Edi dhe Eduarti janë shokë dhe më vjen mirë që do kandidojnë me njëri-tjetrin. Do të ma bëjnë dhe mua më të lehtë, pasi do t’i ndajnë votat bashkë. Po janë shokë, se kush e futi në listat e kandidatëve Eduartin? E futi Edi. Janë shokë dhe rivalë me shumë të përbashkëta.
Të dy janë ndërtues. Eduarti ndërton në Milano, Edi ndërtoi në Tiranë. Unë u uroj garë të mbarë që të dyve”, vijoi më tej Blushi.
