Një tjetër aksion është ndërmarrë sot nga Inspektorati Kombëtar i Mbrojtjes për prishjen e dy objekteve 3 katëshe në Himarë. Ky aksion është kundërshtuar nga banorët të cilët kan goditur me sende të forta punonjësit e inspektoratit. Për këtë ka reaguar edhe IKMT të cilët kanë thënë se ndërhyrja e tyre është bërë me në kuadër të projektit të qeverisë dhe se pronarët e ndërtesave do të dëmshpërblehen. Qytetarët që kanë ankesa të ndjekin rrugët ligjore.
Ky operacion po zhvillohet në një zonë shumë pranë detit në vendin ku është projektuar edhe vazhdimi i shëtitores së qytetit. Mësohet se sipërfaqja që do të shembet është 687 metër katrorë dhe ndërtesa tjetër 176 metër katrorë. IMKT ka nisur këtë të hënë aksionin në jug të vendit për ti hapur rrugë zbatimit të shëtitores së Himarës.
