Komisioni i Venecias ka dalë jashtë debatit që ka mazhoranca me opozitën lidhur me 2/3 apo 3/5 për zgjedhjen e disa institucioneve gjyqësore.
Mënyra që zgjedh drejtuesit e institucioneve zgjedhore varet nga politika dhe nuk e përcaktojmë ne, kanë deklaruar sot në një konferencë shtypi.
“Të dy variantet, si ai i paraqitur nga mazhoranca me votim 3/5 dhe ai nga opozita me votim 2/3 janë brenda standardeve. I takon partive politike të gjejnë një marrëveshje për këtë çështje dhe jo Komisionit të Venecias”, tha eksperti Thomas Markert.
Ai shtoi se tashmë puna e Komisionit të Venecias do të jetë për të parë nëse propozimet e ekspertëve shqiptarë janë në përputhje me standardet evropiane.
Opinioni përfundimtar për reformën në drejtësi në Shqipëri do të jepet më 12 mars.
