Nuk do të lejoj që PS të tradhtojë reformën në drejtësi dhe e konsideroj gur themeli të qeverisjes sonë, tha sot Kryeministri Edi Rama në takimin që kishte me familjarë të viktimave të 21 janarit me rastin e 5-vjetorit të protestës së opozitës.
“Domosdoshmëria më jetike për një reformë të vërtetë, rrënjësore në drejtësi. Co politikan që sot nuk sheh tek familjet tuaja,. tek prindërit dhe jetimët e 4 dëshmorëve, barrën e vet të detyrimit për ti hapur rrugën drejtësisë, nuk do reformën në drejtësi, por është pengesa kryesore e saj. Cdo prokuror e gjykatës që nuk ndjen sot peshën e turpit për vuatjen tuaj të pashoqe, nuk do reformën në drejtësi, por është vetë arsyeja pse kjo reformën duhet bërë me cdo kusht”, tha Rama.
Në vijim Kryeministri sulmoi gjykatësit e cështjes në Gjykatën e Lartë. “ Cdo anëtar i Gjykatës së Lartë që prej 2013 mban të varrosur dosjen e 21 janarit pa guxuar ta nxjerrë në dritë krimin, është sot i akuzuar si fajtor. Fakti rrënqethës se dosja e 21 janarit është e vetmja dosje e mbetur pa gjykuar nga viti 2013 në Gjykatën e Lartë ndërkohë që Gjykata ka kohë që ka nisur punën me dosjet e vitit 2014, del dhe tepron për të kuptuar se kush e ka kapur për fyti drejtësinë, përmes gjykatësish që një zot e di se sa më të rënduar nga sa mund ta përfytyrojmë ne e kanë ndërgjegjen”.
Rama iu drejtua më pas familjarëve duke u premtuar se nuk do të tradhtojë as 21 janarin si një cështje themelore në rrugën e reformës në drejtësi.
“Mund të varroset dosja në varrezën ku Gjykata e Lartë varros patatet e nxehta, por nuk mund të tretet si trupat e 4 të vrarëve, nevoja therëse e drejtësisë për 21 janarin. Një ditë ose një tjetër drejtësia do të bëjë drejtësi, edhe për vrasësit, edhe për rivrasësit, edhe për ata që urdhëruan dhe vranë katër njerëz”, tha Rama.
Në vijim Rama sëbashku me familjarët u nis për të nderuar në vendin ku mbetën të vrarë katër protestuesit.
Binte në sy që numri i familjarëve ishte më i vogël se vitet e tjera.
