Prokuroria e Tiranës ka nisur hetimet për akuzën “shkaktim vetëvrasjeje” në lidhje me vetëvrasjen e 20- vjeçares Klea Shyti, studente e Fakultetit Ekonomik.
Nga burime të Komisariatit nr.2 të Policisë së Tiranës, të cilat kanë thënë se ngjarja e ndodhur më datë 23.12.2015, në rrugën “Babe Rexha”, po hetohet bazuar në nenin 99 të Kodit Penal për “shkaktim vetëvrasjeje”.
“Në lidhje me ngjarjen ku shtetasja Klea Shyti, banuese në rrugën ‘Thanas Ziko’, ka rënë nga lartësia dhe ka gjetur vdekjen e menjëhershme, po punohet për sqarimin e plotë të rrethanave”, kanë thënë burimet e policisë.
Sipas tyre, pas gjetjes së trupit të pajetë të studentes, kufoma e saj është dërguar në Institutin e Mjekësisë Ligjore në kryeqytet ku janë kryer autopsia dhe ekzaminimet e tjera. Pikërisht nga ekspertët e Mjekësisë Ligjore pritet hartimi i një raporti të hollë- sishëm në lidhje me shkakun dhe rrethanat e vdekjes së vajzës 20-vjeçare.
