Një dyqan në Itali, prej disa vitesh gabimisht ka shitur çaj me kokainë. Zbulimi u bë pasi një shofer autobusi 38-vjeçar nga Genova kishte pirë këtë çaj dhe pas testit doli pozitiv.
Roberto, insistoi në pafajësinë e tij dhe tha se kishte pirë vetëm një filxhan çaj “delisse alla coca” një ditë më parë, raporton agjencia e lajmeve “The Local”. Doktori i kërkoi 38-vjeçarit, që t’i sillte qeset e çajit në zyrën e tij, pasi shoferi i autobusit deklaroi se pija e kishte bërë atë të ndihejmë mirë gjatë drejtimit të mjetit. Pas bërjes së analizave, rezultoi se çaji kishte përmbajtje kokaine.
Mjeku njoftoi autoritetet të cilët shkuan në dyqanin që shiste produktin. Hetuesit thanë se pronari i dyqanit kishte të gjithë dokumentacionin në rregull dhe kishte blerë në mënyrë ligjore çajin nga një çaj-shitës nga Milano. Policia është urdhëruar që të konfiskojë çajin bimor pas konfirmimit se ai përmbante nivele të kokainës.
