Një 24 vjeçar shqiptarë kishte menduar që bashkë me ilaçet të transportonte në kamionin e tij edhe 9 kg kokainë. Por, plani iu anulua nga policia e cila i zbuloi drogën e fshehur.
Droga kishte vlerë 400 mijë euro dhe ishte transportuar nga kufiri mes Belgjikës dhe Holandës deri në Portin e Patras. Me pas kamioni i drejtuar nga shtetasi shqiptar, zbriti nga trageti që vinte nga Italia u kontrollua në skaner dhe rezultoi se 9 kg kokainë ishin fshehur në kabinë e shoferit. Si pjesë të grupit të trafikimit të drogës, policia arrestoi dhe dy shqiptarë të tjerë në Athinë të moshës 28 dhe 39 vjeç si dhe pronarin grek të kamionit 45 vjeç. Përveç kokainës, u sekuestruan dhe dy pistoleta, 95 fishekë, 30 mijë euro cash, 11 celularë dhe 3 makina.
