Ne foto, Fron Nahzi, I pari majtas
Fron Nahzi, ish drejtor i fondacionit Soros në Tiranë në fillim të viteve ’90 ka qënë spiun i dyfishtë, I sigurimit të Shtetit dhe UDB-së, shkruan sot gazeta Rilindja Demokratike.
“Shumë vetë mund të mendojnë se Fron Nahzi u detyrua të lërë Shqipërinë, pasi publikisht përdori statusin dhe paratë e Soros për të mbështetur komunistët, elitën e tyre në politikë dhe kulturë. Por largimi i tij në fund të vitit 1992 ka të bëjë me zbulimin e aktivitetit të tij agjenturor në favor të shërbimit sekret të regjimit komunist të Enver Hoxhës dhe një dosje tjetër që po Sigurimi i Shtetit kishte për angazhimin e Fron Nahzit për një shërbim tjetër famëkeq sikurse është UDB e ish-Jugosllavisë”, thekson gazeta nën titullin “Spiuni i dyfishtë”.
Ne librin e tij “Betëeen the Bronx and Balkans” Fron Nahzi e kualifikon vehten si “non sortable” (shqip: i pa soj). Ndofta në anglishten e Bronxit një njeri edhe mund të quhet i tillë dhe nuk merr ndonjë kuptim, por në shqipen e Kosovës dhe të gjithë shqiptarëve, dikush që i thotë vehtes “i pa soj” i ka të gjitha të këqijat e kësaj bote dhe nuk ka kurrfarë të mire për të marrë në konsideratë. Fatkeqësisht, Fron Nahzi njihet nga të gjithë në Shqipëri si një “i pa soj” që ka deformuar emër e mbiemër për t’ia përshtatur karakterit të tij të pështirë.
Në v ijim gazeta shkruan se “Fron Nahzi është një prej spiunëve të Sigurimit të Shtetit të dekonspiruar herët me pseudonim, aktivitet dhe lidhjet e tij me regjimin komunist. I njohur, përjashtuar dhe pështyrë publikisht nga diaspora antikomuniste shqiptare në Shtetet e Bashkuara të Amerikës, Fron Nahzi u rekrutua nga Xhorxh Soros për të punuar në Tiranë që në ditët e para të rënies së regjimit të Enver Hoxhës. Gjatë viteve 1991-1992, ndërsa ambasada dhe administrata e Shteteve të Bashkuara të Amerikës ishin angazhuar haptazi për të ndihmuar shqiptarët dhe forcat demokratike që të shkëputeshin nga e shkuara dhe mentaliteti komunist, Fron Nahzi përdori paratë e Soros për të mbledhur rreth vehtes elitën komuniste duke i emëruar, financuar dhe fuqizuar si Shoqëri Civile”.
Sipas RD, largimi i tij në fund të vitit 1992 ka të bëjë me zbulimin e aktivitetit të tij agjenturor në favor të shërbimit sekret të regjimit komunist të Enver Hoxhës dhe një dosje tjetër që po Sigurimi i Shtetit kishte për angazhimin e Fron Nahzit për një shërbim tjetër famëkeq sikurse është UDB e ish-Jugosllavisë. Dosja e tij, si agjent i Sigurimit të Shtetit ndodhet në Arkivat e Ministrisë së Brendshme.
Frohn Nazi botoi pak ditë më parë një shkrim tek Haffington Post i cili ihste mjfat kritik me opozitën e vecmas me Berishën, ndërkohë që nuk runate të njëjtën gjuhë edhe me kryeministrin Rama.
Haffington Post ndërkohë ka botuar disa shkrime mjaft kritike ndaj qeverisë në Shqipëri dhe klasës politike ne përgjithësi. Në një blog të saj para dy javësh bëhej thirrje që shqiptarët të ndriheshin kudër klasës politike në vend.
