Në foto faksimile e deklaratës së Universitetit të Gjirokastrës
Ka reaguar rektori i Universitetit të Gjirokastrës lidhur me skandalin e publikimit të dy dokumentarëve që bënin fjalë për cështje të manipuluara historike lidhur me dnikimet greke në Shqipëri.
Rektori i universitetit Gezim Sala thotë se nuk ka pasur dijeni për këta dokumentarë dhe pavarësisht fakti se janë prodhim i një departamenti të këtij universiteti ai nuk kishte dhënë ndonjë leje lidhur me të.
Transmetimi i dy dokumentarëve është konsideruar provokim ndaj qytetarëve shqiptarë. Autorë të prodhimeve filmike janë një grup që drejtohet nga Panajot Barka, ish-drejtues i Omonias.
Mediat shkruajtën sot rreth këtij produkti duke konsideruar se departamenti i Gjuhës, Letërsisë dhe Qytetërimit Grek në universitetin publik të Gjirokastrës u bën jehonë miteve dhe ushtarëve grekë të rënë në vendin tonë.
I gjithë materiali është në gjuhën greke dhe “hedh dritë” mbi mitologjinë, vendet antike në Shqipëri që kanë përcaktime sipas tij, me burim gjuhën helene e deri te marrëveshjet mes dy qeverive, shqiptare dhe asaj greke, për varrezat e ushtarëve grekë.
