Ende pa u ftohur vota e djeshme për dekriminalizmin, kryeministri Edi Rama është shprehur skeptik për rezultatet e ligjit duke theksuar se në janar do të kuptohet nëse ky ligj kishte ndonjë vlerë, ndërkohë që shefi i opozitës, Lulzimm Basha deklaroi se Rama po përpqiet të bllokojë zbatimin e këtij ligji.
Nëse ligji për dekriminalizimin do të bllokohet apo sabotohet, ai mund të zëvëndësohët se paku për publikun me listën “Lu”.
Pak ditë më parë ambasadori amerikan në Tiranë Donald Lu tha se po punohet mbi një listë me emra të njohur shqiptarësh që priten të shpallen non grata në SHBA.
Ai nuk tha ndonjë emër por me siguri që do ti thotë nëse këtë nuk e bën ligji i ri i dekriminalizimit.
Pavarësisht polemikave rreth ligjit disa prej zyrtarëve me të kaluar kriminale njihen nga publiku.
Mediat gjatë fushatës zgjedhore për pushtetin lokal kanë publikuar të dhëna që inkriminojnë kryetarin e bashkisë së Kavajës, Elvis Roshi dhe Krujës, Artur Bushi ndërkohë që një kandidat i opozitës në Këlcyrë u detyrua të tërhiqej nga kërkesa e PD për largimin e tij.
PD nga ana e saj ka akuzuar edhe kryetarin e bashkisë së Devollit, ndërkohë PS përmend kryetarin e bashkisë së Kamzës, Xhelal Mziu i cili u dënua nga një gjykatë e shkallës së parë në Tiranë pak para zgjedhjeve të këtij viti.
Por numri më i madh pritet të jetë në parlament për shkak se shumë prej tyre kanë probleme të thkesuara me deklaratat e pasurisë dhe konfliktin e interesit si dhe bizneset e disa prej tyre aknë fshehur të dhëna për të shmangur taksat.
