Një ish-këshilltar i ushtrisë amerikane thotë se, grupi terrorist i ISIS – siç njihet dhe me emrin Da’esh – mund të përdorë dronin për rrëzimin e avionëve me pasagjerëve si dhe për propagandë në evenimente të mëdha.
Specialist i antiterrorit, Colin Smith i referohet ndeshjes Serbi-Shqipëri, ku droni me flamurin e Shqipërisë së Madhe shkaktoi trazira në Beograd.
Smith, i cili ka kaluar një vit duke këshilluar policinë në Irak pas rrëzimit të Sadam Hysenit, paralajmëron se terroristët mund të marrin shembull nga ajo që ndodhi në Serbi, që kishte për autor Ismail Morinën.
“Kush do ta ndalonte nëse një gjë e tillë do të ndodhet dhe në Londër? Është vërtet një problem”, shprehet Smith.
Në Britani ka pasur incidente ku dronët gati kanë shkaktuar rrëzimin e avionëve të mëdhenj me pasagjerë, raporton gazeta britanike “Express”.
Qeveria britanike pritet të forcojë legjislacionin për përdorimin e avionëve të kontrolluar me komandues.
Autoritet i Aviacionit Civil në Britani tashmë po krijojnë një sistem kontroll për identifikimin e dronëve.
Ndërsa po merret parasysh që për çdo dron të regjistrohen të dhënat e përdoruesit.
Gjithashtu, me forcimin e ligjit, çdo fluturim ilegal i dronëve afër aeroporteve mund të dënohet deri në mbi 5 vite burg.
Deri tani ka vetëm një rast të dënuar në Britani për përdorim ilegal të dronit.
Nivel Ëilson, u gjobit me 1 800 paund pasi përdori dronin për të filmuar katër ndeshje të Premier League dhe më pas i ngarkoi pamjet në YouTube.
Ai gjithashtu filmoi edhe pika të nxehta turistike si The Shard, Buckingham Palace dhe Houses of Parliament.
