Specialistët e Seksionit per Hetimin dhe Parandalimin e Krimeve në Komisariatin e Policisë Lezhë, kanë bërë të mundur kapjen dhe ndalimin e shtetasit: Dashamir Mekrisvani , 35 vjeç, banues në Rrilë Lezhë.
Ky shtetas me datë 23.09.2015 ka vjedhur dhe dëmtuar kishën e Shenkollit Lezhë.
Ka hequr dhe dëmtuar dy ikona duke i hedhur në tokë, nje statuje dhe 2 majtëse qirinjsh.
Gjithashtu ky shtetas ka vjedhur një varëse të shtatores së Shenjtit Shën Nikolla, e cila u gjet në tavanin e banesës së tij dhe u sekuestrua në cilësinë e provës materiale.
Materialet proçedurale i kaluan Prokurorisë së Rrethit Gjyqësor Lezhë për veprat penale “ Vjedhja” “Shkatërrim prone” dhe “Shkatërrim i objekteve të kultit” parashikuar nga nenet 134, 150 dhe 132 të K.Penal.
