Një granatë jeshile futur në një kuti është gjetur sot në Portin e Sarandës.
Punonjësit e Kapitenerisë së Portit, kanë konstatuar në ambientet e tyre një kuti të vogël të dyshimtë.
Menjëherë pas marrjes së njoftimit, Shërbimet e Policisë janë afruar bashkë me e ekspertët përkatës për kryerjen e veprimeve dhe kanë konstatuar fillimisht se është gjetur në tokë nje kuti kartoni e mbyllur dhe brënda kutisë është zbuluar se ndodhet një granatë ofensive, me ngjyrë jeshile.
Ekspertë të eksplozivit pritet të mbërrijnë në Sarandë së shpejti nga Tirana për të vlerësuar nëse granata ka ndonjë mekanizëm që mund të shkaktojë ndonjë shpërthim të saj.
Po punohet për zbardhjen e ngjarjes.
