Ministri i Brendshëm jo thjesht u ka dhënë makinën dhe imunitetin njerëzve të tij, bandës së habilajve, por ka dashur tu thotë policëve, hetuesve, dhe agjensive të zbatimit të ligjit se këtu jam unë, kjo është linja ime e drogës, qëndroni larg, deklaroi sot nënkryetari i PD-së, Edi Paloka.
“Ja ku e keni dhe një herë sistemin tims, që tregon se habilajt kanë bërë disa rrugë me makinën e ministrit. Dhe më saktë, tahiri i ramës ka bërë disa rrugë, disa ngarkesa përmes habilajve”, tha ai duke shfaqur faksimile të raporteve të TIMS.
“Kur më në fund, Saimiri e pranoi se nuk kishte nga t’ia mbante, shqiptarët e panë vetë provën e gjallë, ai pranoi edhe një krim tjetër. Që ka shkelur ligjin, duke mos e deklaruar shitjen e makinës. Krim për të cilin qindra e mijëra tregtarë të vegjël që ushqejnë familjen me biznesin modest, po marrin gjoba, po mbyllin dyqanet, po provojnë kërbaçin e qeverisë, dhe po shkojnë dhe në burg.
Po Saimirit të ramës i lejohet. Ai ska pse deklaron. Ai punon në të zezë. Po derisa i lejohet të bëjë trafik droge me makinën e tij, pse mos ti lejohet të fshehë pasurinë. Ky është pohimi i ministrit, krimi i tij i vogël në perpjekje për të fshehur krimin e madh. Në fakt, tahiri bën dhe një krim tjetër, sepse mashtron, jep deklarim të rremë. Makina ështe e tija, ai është pronari i linjës AA003GB.
Shqiptarët që po dhunohen për një kupon, shohin se kanë në krye një ministër që noton në krim.
Por dikush, një njeri i vetëm është krenar për këto bëma të tahirit. Ky është kryeministri Edi Rama.
Qytetarët janë të thirrur tashmë të bëjnë zgjedhjen e tyre. Do ta lejojnë krimin që bën krenar Ramën të sundojë, apo do të vendosin drejtësinë, ligjshmërinë, rendin, në këtë vend. Zgjedhja nuk ka qënë asnjëherë më e lehtë”, tha ndër të tjera Paloka.
Ndërkohë ka reagur edhe ministri i Brendshëm, Saimir Tahiri përmes një postimi në fb. “Duhet te kisha falenderuar PD qe heret ne mengjes, por s’besoj merziten ti falenderoj pak me vonese per sherbimin e vyer qe po kryejne duke i bere jehone te perditshme sukseseve te Policise se Shtetit. Me shume mirenjohje per Shqupistat”, shkruan ai.
