Kryeministri Edi Rama ndërsa po komentonte sjelljen e medias për intervistën e ish-oficerit të antidrogës, Zagani dhe raportin sekret të OSBE-së, kërkoi nga media të pyesë institucionet para botimit të shkrimeve të tilla.
“Para botimit të marrë mendimin e organeve kompetente që preken nga shkrimi. Se pastaj nga këtu shkon në Kosovë e në vende të tjera dhe bëhet modë pastaj që të gjithë janë të lidhur me krimin.
Politika nuk është arena ku vallëzojnë engjëjt. Ka edhe pjesën e vet të kontaminuar, ka ideialistët, të korruptuarit e kështu me rradhë. Por nëse do të bënim skanim moral dhe etik, mos mendoni kurrë se media do të dilte më pak e ndotur se sa politika.
A ka media ka burime të drejta dhe pakontaminuara?”, tha Rama gjatë intervistës në top channel.
Me Metën, marrëdhënie shumë të mira, Ndërkombëtarët e respektojnë si e drejton Parlamentin
“Vera ka kaluar dhe bashkë me verën kanë ikur edhe të gjitha retë. Marrëdhëniet e mia me Metën janë shumë të mira. Qoftë ai, qoftë unë duhet të lexojmë gazetat që të marrim vesh se kemi probleme”, deklaroi Rama në top channel.
Ndërkombëtarët nuk kane probleme personale me askënd. Ata kanë shumë respekt për mënyrën se Ilir Meta drejton Kuvendin e Shqipërisë. I pyetur se takon më shpesh Vucic se Ilir Metën Rama u përgjigj se kjo ishte batutë e dobët.
Rama nuk komentoi gjatë deklaratën e Presidnetit Nishani për politikën e jashtme duke i përmbajtur premtimit sipas atij se nuk bëj debat publik me institucionin e Presidentit të Republikës. Cfarë Shqipëria ka bërë në politikën e jashtme këto dy vjet dhe rolin e vet në rajon është një nga gjërat për të cilat unë jam krenar.
Rama, sulm pa fre ndaj Enno Bozdos
Rama nuk është përmbajtur pas një deklaratë të Enno Bozdos duke e fyer atë. “Kjo është gjendja e PD. Mbushur me hallexhinj. Cdo njëri pas njëfarë moshe mban përgjegjësi për fytyrën e vet. E shikoni fytyrën e tij. Kam pamundësi ta ndaj fjalën, fytyrën, veprën e dikujt kur gjykoj. Është fytyra e njeriut që është sjellë aty për të bërë një punë. Qoftë ky e ndonjë tjetër nuk kanë mundësi të mendojnë. Është karagjoz komplet. E thotë dhe ha bukë më këtë. Të thuash po gënjen është të mos kesh respekt as për gënjeshtrën. Ishte kryetar bashkie 2 vjet, e la Luli, si i thotë Flamuri, kryetar adopt”.
