Përfundon takimi i ministrit të Punëve të Brendshme Saimir Tahiri me ambasadorët e vendeve të Bashkimit Evropian të akredituar në Shqipëri.
Përpos mundësisë së ndonjë kritike apo vërejtje nga ana e ambasadorëve për ministrin shqiptar, vetë Tahiri nuk e ka mohuar, ndërsa për “konfirmim” ju ka kërkuar gazetarëve të pyesin ambasadorët.
I pyetur nga gazetarët nëse ministri mori ndonjë kritikë nga kryediplomatët e huaj, Saimir Tahiri është përgjigjur se, “Mund t’i pyesni por nuk besoj”.
Ndërkohë, n përfundim të takimit kryediplomatët shmangën komentet për mediat, ndërsa i vetmi që u prononcua ishte ministri Tahiri. Ai sqaroi edhe çështjet që u diskutuan mes tij dhe ambasadorëve. Sipas tij, takimi i mbajtur në zyrat e delegacionit të BE-së në vendin tonë, pati në fokus prioritetet e Ministrisë së Brendshme, kreu i së cilës kohët e fundit ka rënë në sulmin e opozitës.
“Patëm mundësi të bisedonim për një sërë çështjesh që i përkasin prioritete të Ministrisë së Brendshme në kuadër të luftës kundër krimit të organizuar, kundër trafikut të lëndëve narkotike dhe prioritet te në përgjithësi të Ministrisë, në kuadër të Byrosë Kombëtare të Hetimit dhe luftës kundër parasë kriminalë”, tha Tahiri.
Përfundon takimi, a pati kritika nga ambasadorët e BE-së për ministrin Tahiri…?!
