Ministri i Punëve të Brendshme Siamir Tahiri ka publikuar një foto sot, për ët ciëln pretendon se është “origjinalja”, për të hedhur poshtë, sipas tij, “fotogënjeshtrën e Lulit”.
Sipas asaj që vetë Tahiri publikon, është e qartë që bëhet fjalë ëpr dy foto të ndryshme dhe jo për një “origjinale” dhe një “fotogënjeshtër”.
Që janë dy foto të ndryshme, kuptohet lehtë, pa qenë nevoja të jesh “profesionist”. Ndërsa një pjesë e “sfondit të relievit”, është pjesa e vetme e përbashkët, që e bëjnë Tahirin të besojë se është e njëta foto, ndriçimi nga dielli, por edhe konfigurimi i reve në qiell, diku lart në sfond, konfirmojnë se janë dy foto të ndryshme, të bëra sigurisht në të njëjtin vend, për pasojë në kohë të ndryshme.
Me kaq Saimir Tahiri, konfirmon Lulëzim Bashën dhe nuk kemi të bëjmë me “fshirje punonjësish policie”.
Problemi është, koha kur janë bërë fotot.
Natyrisht, fotoja e publikuar nga Lulëzim Basha, afërmendsh është bërë më herët, sepse në qoftë se policët do të kishin shkuar e korrur kanabisin, ata edhe duhet ta kishin asgjësuar, larguar prej andej, duke mos lënë mundësi për fotografi me “punonjës policie të fshirë”.
Nisur nga koha e vrenjtur sot, të paktën në Tiranë, të ngjashme me kohën në foton e publikuar nga ministri Tahiri, me korrje kanabis nga policë (me shpinë e pa simbole dalluese – kjo është tjetër “kleçkë), nuk mund të mos artikulohet pyetja dyshuese… “Mos vallë, Saimir Tahiri ka dërguar sot disa policë, ëpr ‘të korrur’ e bërë një foto ‘origjinale’ në Gusmar…?!”.
Mesazhi i plotë i Saimir Tahirit në “Facebook” që shoqëron foton bashkëngjitur
“Fotogënjeshtra e Lulit! Si mund të gënjejë kështu Kryetari i Opozitës? Si mund të tallet kështu me qytetarët? Kur gënjen për kaq, si mund të besohet për gjëra më të rëndësishme?
Më poshtë është foto që publikoi Lulzim Basha, duke më akuzuar se është droga që mbroj unë në Gusmar të Tepelenës.
Anash, është foto origjinale e Policisë së Shtetit, gjatë aksionit të shkatërrimit të kanabis në fshatin Xhafaj, Memaliaj.
Foto e Policisë është bërë në datën 27 Gusht 2015. Dje Lulzim Basha nxorri të njëjtën foto, por kishte fshire punonjësit e policisë nga foto.
Kjo është derexheja që katandisi delenxhiu!”
Për më shumë mund të lexoni edhe …
Fshati Gusmar në “drejtimin e duhur”, i famshëm për kanabisin dhe Saimir Tahirin
/web/Fshati_Gusmar_ne_drejtimin_e_duhur_i_famshem_per_kanabisin_dhe_Saimir_Tahirin_6952_1.php
