Policia e qarkut të Vlorës ia ka dalë zgjidhë enigmën e vdekjes së bariut Enkeled Nora nga Delvina.
Më datë 07.09.2015, rreth orës 01:00, është marrë njoftimi se në vendin e quajtur Mali “Gjinesh” është plagosur me armë zjarri shtetasi: Enkeled Kadri Nora, 34 vjeç, lindur dhe banues në fshatin Kopaces-Delvinë, i cili për pasojë ka gjetur vdekjen rrugës për shkak të plagës së marrë në këmbë.
Menjëherë Strukturat e Policisë, kanë nisur një Grup Hetimor në drejtim të vendit të ngjarjes, ku për shkak të terrenit të vështirë, efektivave u janë dashur të ecnin rreth 4 orë rrugë që të arrinin në vendin e ngjarjes.
Nga dëshmitë e marra nga persona të pranishëm në vendin e ngjarjes, në bazë të rrethanave në të cilat ka ndodhur ngjarja, gjithashtu duke cilësuar edhe kushtet e vështira ku nuk punonin as valët telefonike, Policia ka bërë të mundur dokumentimin e plotë të ngjarjes, ku deklaron se:
Më 6b shtator, rreth orës 19:30, në Kopaces, Enkeled Nora duke kullotur bagëtitë, gjatë ecjes në terren të thepisur është rrëzuar dhe është vetë-plagosur aksidentalisht me armën e zjarrit që mbante me vete, duke marrë një plumb në pulpën e këmbës së djathtë.
Personat e parë që kanë arritur në vendin e ngjarjes, janë munduar ti japin ndihmën e nevojshme të plagosurit por për shkak të terrenit të thepisur (malor) dhe të distancës shumë të largët nga qendra e banuar (4 orë larg), i plagosuri ka humbur jetën gjatë transportit si rrjedhojë e gjakderdhjes së tepërt.
Policia ka bërë të mundur sekuestrimin e materialeve të mëposhtëme:
– një automatik, model 56,
– 102 fishekë, model 56,
– një krehër automatiku,
– një çantë, në të cilën ndodheshin fishekët,
– një gëzhojë, model 56
Si dhe materiale të tjera që shërbejnë si provë materiale për dokumentimin e plotë të ngjarjes.
