Këshilli i imunitetit propozon heqjen e imunitetit të deputetit Armando Prenga, pas gati 2 orësh dëshmi nga prokuroria, avokati i deputetit Armando Prenga dhe vetë deputeti I arrestuar.
Deputetët kanë bërë shumë pyetje në drejtim të prokurorit lidhur me provat që ka paraqitur organi i akuzës. Vlen të përmenden ndërhyrjet e Vasilika Hysit, Gent Strazimirit etj të cilët nëpërmjet ballafaqimit të fakteve të prokurorisë dhe dëshmisë së prokurorit ndihmuan këshilllin që të arrinte në një përfundim.
Deputeti i arrestuar Prenga tha ndër të tjera se ky është një kurth i ngritur ndaj familjes së tij për ta sulmuar atë. “Nëse kam shkelur ligjin do të përballem me të”, tha ai, ndërsa kërkoi që kjo ngjarje të shihet me vëmendje pasi të tjerë duan ta promovojnë si çështje politike.
Në fund të mbledhjes këshilli i imunitetit ka vendosur ti propozojë senacës plenare që mblidhet nesër heqjen e imunitetit per deputetin socialist.
Pas përfundimit të Mbledhjes së Këshillit të Mandateve, deputeti i Partisë Demokratike, Gent Strazimiri, akuzoi edhe një herë si përgjegjës per këtë ngjarje Kryeministrin Rama dhe Kryetarin e Kuvendit, zotin Meta. Ai tha se një nga një është duke u mbushur lista e atyre që PD-ja ka denoncuar dy vite më parë.
Praktikisht këshilli do të përpilojë një raport me përfundimet e tij nga konsultimi i kërkesës së prokurrisë, dëshmitë e deputetit Prenga dhe sqarimet e prokurorit të cështjes.
Këshilli është drejtuar nga kryetari i Kuvendit, Ilir Meta.
Deputeti Prenga është larguar rreth 10 minuta para se të mbyllet mbledhja e këshillit.
Votimi I propozimit te Keshillit neser ne Parlament vendos perfundimisht arrestimin e deputetit Armando Prenga.
