Kanë humbur jetën dy minatorë kushërinj në Minierën e Selishtës në Peshkopi.
Aksidenti tragjik ka ndodhur rreth mesditës, ku dy kushërinjtë, 54-vjeçari Miftar Losha teknik dhe 35-vjeçari Albert Losha minator janë plagosur rëndë dhe kanë humbur jetën gjatë rrugës kur po transportoheshin për në spital.
Shkak për vdekjen e dy minatorëve ka qenë një avari në minierë e cila solli dhe shembjen e një masivi dheu, që fatkeqësisht zuri posht dy viktimat.
Menjëherë në vendngjarje ka shkuar policia dhe mjekët e spitalit të Peshkopisë, pasi ambulanca e kishte të vështirë të mbërrinte në vendin e ngjarjes për shkak të terrenit të vështirë. Por gjatë transportimit të tyre për në Spitalin e Peshkopisë, ata kanë humbur jetën.
