Një tjetër rast i trafikut ndërkombëtar të drogës është goditur ditën e sotme. Policia e Kakavijës ka sekuestruar 10 kg marijuanë dhe ka vënë në pranga poseduesin e saj, 24-vjeçarin Angjelo Hamitit.
I riu ishte duke udhëtuar drejt Greqisë me automjetin e tij, kur gjatë një kontrolli nga policia kufitare në vijën e dytë të doganës, u gjetën të fshehura në traversat anësore të sediljeve dhe dyerve 10 kg marijuanë, të ndara në 20 pako.
Pas sekuestrimit të lëndëdës narkotike dhe makinës së tij, Angjelo Hamiti është arrestuar dhe do të ndiqet penalisht për veprën e trafikut ndërkombëtar të lëndëve narkotike.
