Dy persona janë plagosur rëndë pasi janë përplasur nga një automjet. Ngjarja ka ndodhur mëngjesin e sotëm në Unazën Lindore të qytetit të Shkodrës. Një motorçikletë ku udhëtonin një çift është përplasur nga një automjet, drejtuesi i së cilës është larguar nga vendi i ngjarjes. Për pasojë, janë plagosur dy bashkëshortët, N. M, 70 vjeç dhe L. M, 60 vjeçe nga Shkodra.
Drejtuesi i automjetit që përplasi çiftin është identifikuar dhe po punohet për kapjen e tij dhe zbardhjen e plotë të këtij aksidenti. Ndërkohë dy të plagosurit ndodhen në gjendje kritike për jetën në Spitalin Rajonal të Shkodrës për shkak të plageve serioze që kanë marrë në trup.
Shkodër, makina përplas motorin, çifti në gjendje të rëndë
