Një aksident i rëndë automobilistik ka ndodhur në orët e para të së mërkurës në Delvinë, ku dy të rinj kanë humbur jetën, ndërsa tre të tjerë kanë mbetur të plagosur. Të gjithë djemtë ishin nga fshati Rusan.
Burime nga policia kanë bërë të ditur se makina, tip “Benz” me targa të Sarandës, me të cilën po udhëtonin 5 të rinjtë ka dalë nga rruga në aksin Vllahat-Bamatat.
Si pasojë e aksidentit fatal, dy prej adoleshentëve nuk kanë mundur të mbijetonin. Viktima të aksidentit mësohet se kanë mbetur shtetasit Tahir Vaja 16-vjeç dhe Naim Duka 18-vjeç, drejtuesi i mjetit të aksidentuar me targë SR 7362 B.
Tre djemtë e tjerë, 18-vjeçari Ergus Vaja, Edlir Çaushaj 17-vjeç dhe Adil Duka 14-vjeç janë nisur me urgjencë drejt spitalit Ushtarak të Tiranës pasi mendohet të jenë në gjendje serioze për jetën.
Të rinjtë ishin nisur nga fshati Rusan për të luajtur në Kalçeto në fshatin Bamatat, por si pasojë e shpejtësisë së madhe automjeti i tyre ka dalë nga rruga duke ju marrë jetën dy prej adoleshentëve.
Tre personat e plagosur ndodhen në gjendje të rëndë dhe janë nisur menjëherë për në Spitalin e Traumës në Tiranë.
Shkaqet e këtij aksidenti të rëndë janë ende të paqarta, ndërsa policia mbërriti në vendin e ngjarjes dhe po punon për zbardhjen e tyre.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
