Konflikti i njohur mes deputetit shkodran Tom Doshi dhe këngëtares Rovena Dilo, për pronësinë e tokës ku kjo ka ndërtuar lokalin “Rovena” i ka dhënë të drejtë në mënyrë të pjesshme Doshit.
Sipas vendimit të Gjykatës së Shkallës së parë këngëtarja Rovena Dilo duhet të lirojë dhe të dorëzojë sipërfaqen prej 866.7 m2 që posedon në truallin me Nr. 3/534 pasurie, ZK 8270 Rruga “Vaso Pasha”, e cila është në pronësi të paditësve përkatësisht deputetit Doshi dhe ish-deputetit të partisë Demokratike Ndriçim Babasit.
Ndërkohë këngëtares i mbetet e paprekur një sipërfaqe prej 20.3 m2. Vendimi i gjykatës së Shkallës së Parë mund të apelohet në gjykatën e Apelit Tiranë.
Konflikti mes Doshit dhe Dilos, i cili është i hershëm ka lindur pasi lokalin e njohur “Rovena”, disa të afërm të saj ia kanë shitur këtë pronë Tom Doshit dhe ish- deputetit demokrat, Ndriçim Babasit.
Ndërkohë Rovena Dilo nuk e ka pranuar asnjëherë diçka të tillë.
FOTO/ Tom Doshi dhe Çim Babasi “shpronësojnë” Rovena Dilon, i marrin me vendim gjykate lokalin në Bllok
