Nën drejtimin e Presidentit të Republikës, Bujar Nishani, Këshilli i Lartë i Drejtësisë, në mbledhen e sotme plenare, mori në shqyrtimin materialet ku ishin pasqyruar shqetësimet e ngritura në informacionet e ardhura nga disa kryetarë gjykate lidhur me mungesën e organikës së tyre me gjyqtarë apo dhe nevoja për shtimin e numrit të gjyqtarëve.
Në përputhje me rendin e ditës, anëtarët e KLD-së, diskutuan për përcaktimin e vendeve vakante në dispozicion të magjistratëve që kanë përfunduar studimet në vitin akademik 2013 – 2014.
Pas diskutimeve, KLD vendosi të miratojë propozimin e Ministrit të Drejtësisë për vënien në dispozicion të magjistratëve të vendeve si më poshtë:
Për magjistratët që kanë përfunduar studimet në vitin akademik 2013 – 2014
Në Gjykatën e Rrethit Gjyqësor Korçë 2 (dy) vende
Në Gjykatën e Rrethit Gjyqësor Fier 1 (një) vend
Në Gjykatën e Rrethit Gjyqësor Gjirokastër 1 (një) vend
Në Gjykatën e Rrethit Gjyqësor Kurbin 1 (një) vend
Në Gjykatën e Rrethit Gjyqësor Lezhë 1 (një) vend
Në Gjykatën e Rrethit Gjyqësor Sarandë 1 (një) vend
Në Gjykatën e Rrethit Gjyqësor Vlorë 1 (një) vend
Në Gjykatën e Rrethit Gjyqësor Elbasan 1 (një) vend
Në Gjykatën e Rrethit Gjyqësor Durrës 1 (një) vend
