Kapiteni i Kapitenerisë së Portit Detar të Shëngjinit është ndaluar nga Shërbimi për Çështjet e Brendshme dhe Ankesat. Shkëlqim Celami akuzohet për korrupsion pasiv të personave që ushtrojnë funksione publike.
Ndërkaq është ndaluar edhe Reoland Leka, pronar i mjetit lundrues “Sarda” si dhe është shpallur në kërkim B. Ç., punonjës i policisë në drejtorinë e policisë kufitare në Durrës. Për këtë të fundit gjykata e Durrësit ka dhënë masën e sigurisë “arrest me burg”.
Pas një hetimi 4-mujor rezultoi se Lekaj, pronar i mjetit të lundrimit “Sarda” ka marr në mënyrë të paligjshme Dëshminë e Aftësisë së Lundrimit për mjetet e vogla, kundrejt shpërblimit prej 3 mijë euro. Me ndërmjetësimin e punonjësit të policisë B. Ç., kjo sasi parash i është dhënë Celamit, i cili krijoi këtë favor.
Zyrtari i u ndalua për veprën penale të “korrupsionit pasiv të personave që ushtrojnë funksione publike” . Kurse Reoland Lekaj, pronar i mjetit lundrues “Sarda”, për veprën penale “ushtrim i ndikimit të paligjshëm ndaj personave që ushtrojnë funksione publike”.
Mjeti i lundrimit së bashku me certifikatën e Dëshmisë së Aftësisë së Lundrimit, me vendim të organit të Prokurorisë, janë sekuestruar në cilësinë e provës materiale.
FOTO/ Shëngjin, arrestohet Kapiteni i Portit, 3 mijë euro për një leje skafi
