Një efektiv i policisë rrugore në kryeqytet është arrestuar mëngjesin e sotëm. Inspektori Edmond Jupe akuzohet për korrupsion pasiv dhe ndikim të paligjshëm ndaj funksionarëve. “Strukturat e Drejtorisë së Shërbimit për Çështjet e Brendshme dhe Ankesat Tiranë ekzekutuan vendimin e Gjykatës së Rrethit Gjyqësor Tiranë e cila caktoi masën e Sigurimit Personal “Arrest me Burg” ndaj punonjësit të policisë, Inspektor Edmond Jupe. Arrestimi i efektivit të policisë rrugore është kryer pas një hetim i të përbashkët 6-mujor të SHÇBA-së Tiranë në bashkëpunim me Task –Forcën e Prokurorisë së Rrethit Gjyqësor Tiranë.
Arrestohet efektivi i policisë rrugore në Tiranë
