Sipas Prokurorisë së Shkodrës, gjatë periudhës analizuese rezulton se punonjësit e Drejtorisë Rajonale Shkodër Uarda Albunese (përgjegjëse e sektorit të kontrollit të territorit) dhe Genti Bilali, Erxhan Meta, Nikolin Arra, Fatjon Dibra, Kreshnik Dibra, Erisa Llukacej, Gjon Prronaj dhe Rrok Lorja, sipas urdhërave të punës kanë qenë të angazhuar me shërbim për kontrollin e subjekteve tregtare, nëse ata ushtrojnë aktivitet tregtar në përputhje me legjislacionin tatimore në fuqi. Nga të dhënat e grumbulluara në kuadër të veprimeve hetimore të këtij procedimi penal,rezulton se punonjësit e Drejtorisë Rajonale të Tatimeve Shkodër, në mospërmbushje të rregullt të detyrë, nuk kanë marrë masa administrave ndaj subjekteve tregtare të kontrolluara, të cilët janë konstatuar se ushtrojnë aktivitet tregtar në kundërshtim me ligjin tatimor.
Nga të dhënat e marra rezulton se punonjësit e Drejtorisë Rajonale të Tatimeve Shkodër, të sipërcituar, përkundrejt marrjes së rryshfetit dhe shpërblimeve nga subjektet tregtare nuk marrin masat administrative për shkeljet e konstatuara. Shkeljet e konstatuara tek subjektet tregtare, që ushtrojnë aktivitet tregtar në kundërshtim me ligjin tatimor, për të cilët punonjësit e sipërcituara nuk kanë marrë masa administrative, me qëllim mbledhjen e detyrimeve, janë:
Konstatimi i printerave jofiskalë dhe lëshimi nga subjektet tregtare i kuponave jotatimor;
Mosplotësimi i dokumentacionit të plotë tatimor, ndërkohë që është pasiv në organet tatimore, ushtron aktivitet tregtar;
Mosregjistrimi dhe mosdeklarimi i punonjësve në organet përkatëse;
Shitja e mallrave pa faturë ( rasti i marketeve );
Modeklarimi i çmimit real të shitjes së produkteve dhe shërbimeve ( në rastin e hoteleve);
Mosafishimi i listës së cmimeve;
Mosafishimi i posterit tatimor;
Mosafishimi i certifikatës së regjistrimit (QKR).
Paraqitja e rrethanave të rreme në aktet e konstatimit.
Rezulton se subjetet e kontrolluara nga ana e punonjësve të sipërcituara, të cilat edhe pse kanë qenë në shkelje, deri në këto momente, nuk është marrë asnjë masë administrative ndaj këtyre subjekteve.
Nga ana e organit procedues, në zbatim të vendimit të Gjykatës së Rrethit Gjyqësor Shkodër, janë kryer kontrolle në të gjitha subjektet tatimore tek të cilët janë ushtruar kontrolle nga ana e punonjësve të lartëpërmendur dhe në të gjitha këto subjekte të kontrolluara janë konstatuar parregullsi në lidhje me dokumentacionin tatimor, ku në një pjesë të tyre nuk kishte kasë fiskale, apo edhe pse kishte kasë fiskale përdorej printeri jofiskalë, apo ku subjektet ishin të paregjistruara në organet tatimore, apo shitja e mallrave pa faturë tatimore etj.
Pas kryerjes së veprimeve hetimore në funksion të këtij procedimi penal, rezultojnë të dhëna të mjaftueshme lidhur me identifikimin e autorit të veprës penale.
