Nga verifikimi që KLSH i ka bërë dosjes së ish-drejtoreshës së Arsimit në Lushnjë, Liza Tabaku, konstatohen disa shkelje të marrjes së saj në punë.
Në dosjen e personale të Liza Tabakut disponohet vetëm fotokopje diplome e nivelit Bachelor me drejtimin “Punonjës Social” e lëshuar nga Universiteti “Aleksandër Xhuvani”, Elbasan dhe fotokopje të librezës së punës sipas të cilës rezulton se znj. Liza Tabaku pas mbarimit të shkollës së mesme bujqësore ka punuar në ish ndërmarrjen bujqësore frutore si punëtore dhe deri në vitin 2011 ka punuar si punonjëse shërbimi në filialin e postës në Lushnjë.
Referuar të dhënave të mësipërme rezulton se Liza Tabaku nuk ka asnjë përvojë në fushën e arsimit por kjo nuk e ka penduar drejtorinë e arsimit në Fier që ka në varësi edhe Lushnjën për ta emëruar Tabakun në krye të arsimit të këtij rrethi.
KLSH i ka rekomanduar ministres Nikolla, masën disiplinore “Largim nga shërbimi civil” për Drejtorin e DAR Qarku Fier, Shkelqim Allkaj, pasi është ai që ka firmosur për emërimin e Liza Tabakut.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
