Në vijim të operacioneve të njëpasnjëshme për parandalimin e kultivimit të bimëve narkotike sot është zhvilluar një tjetër operacion nga Efektivat e Komisariatit të Policisë Krujë në bashkëpunim me Komisariatin e Ndërhyrjes së Shpejtë ”FNSH”Tiranë.
Në kuadër të këtij plan-operacioni për “ Parandalimin e kultivimit të lëndëve narkotike “ është finalizuar me sukses operacioni i koduar “Cudhi”.
Nga një kontroll i ushtruar në të gjithë territorin e fshatit Rranxë ,Komuna Cudhi Krujë u konstatuan 76 parcela me rreth 2662 rrënjë bimë narkotike,në një lartësi rreth 30 – 150 cm .
Bimët e llojit Cannabis Sattiva, u asgjesuan në vend me anë të djegies dhe një pjesë e tyre u morën në cilësinë e provave materiale.
Nga ana e punonjësve të Policisë Krujë,vazhdon puna për dokumentimin e plotë të ngjarjes,identifikimin dhe kapjen e autorëve përgjegjës për veprën penale”Kultivimi i bimëve narkotike”parashikuar në nenin 284 të Kodit Penal.
