Tre punonjës të Shtëpisë së Fëmijës në Shkodër u ndaluan mëngjesin e sotëm pas video skandalit të publikuar një ditë më parë në media ku ato tregohen teksa dhunojnë fëmijët e qendrës. Tre punonjësit e ndaluara janë Edvana Sulaj, Manjola Banishta dhe Albert Reka. Ato akuzohen për dhunë dhe abuzim ndaj fëmijëve të kësaj jetimore.
Në një reagim të Ministrisë së Mirëqenies Sociale dhe Rinise pas publikimit të këtij skandalit, thuhet se tre punonjësit e Shtëpisë së Fëmijës në Shkodër janë shkarkuar nga detyra dhe janë kallëzuar penalisht me motivin e ushtrimit të dhunës ndaj fëmijës dhe neglizhimit të detyrës. Sipas kësaj ministrie, një grup i specializuar ekspertësh psikologë dhe punonjësish socialë, do të bëjnë një vlerësim më të plotë të situatës në Shtëpinë e Fëmijës në Shkodër, jo vetëm për fëmijët e dhunuar, por edhe te fëmijët e tjerë të qendrës.
VIDEO SKANDALI/ Shkodër, ndalohen dhe procedohen penalisht tre kujdestarët e Shtëpisë së Fëmijëve
