Opozita vendos te marre pjese ne Komisionin për Reformën ne Drejtësi gati një vit pasi ky komision po zhvillon reformën në mënyrë të njëanshme dhe mungesë të theksuar transaprence.
“Maxhoranca ka pranuar nje nga dy kërkesat e opozitës; ka pranuar kërkesën per sa i përket paritetit ne komision, nje kërkese shume e rëndësishme kjo ne mënyre qe reformat te jene jetëgjata dhe te mos varen vetëm nga mandati i nje qeveria, ndaj dhe opozita do te marre pjese ne mbledhjet e ardhme te komisionit te posaçëm per reformën ne drejtësi, kërkesa për bashkëkryetarin e komisionit nuk u pranua”, ka deklaruar deputeti demokrat, Eduard Halimi.
Komisioni i posaçëm për reformën ne drejtësi u ngrit ne nëntor te 2014 dhe opozita nuk u be pjese e tij pasi ishte ne bojkot. Por edhe kur u kthye ne Parlament, Partia Demokratike refuzoi te merrte pjese ne mbledhjet e komisionit, i cili kishte ne përbërje 6 përfaqësues nga shumica dhe 5 nga opozita, duke kërkuar përfaqësim te barabarte dhe bashkryetarin e komisionit. Komisioni i posaçëm e ka mandatin 1 vit.
Ndërkaq Eduart Halimi, do të jetë nënkryetar i komisionit, ndërkohë anëtarë do të jenë deputetët Bylykbashi, Ristani, Strazimiri, Kruja dhe republikanit Mediu.
