Sherbimi postar i Zvicrës ka deklaruar se po tenton aktualisht përdorimin komercial të Droneve. Këto prova janë realizuar gjatë ditëve të para të Korrikut.
Në një njoftim për shtyp posta e Zvicrës ka shpjeguar se “tre biznese po ekzaminojnë aplikacionet konkrete teknike që Dronet të kenë mundësi dhe të jenë me fitim në idenë e përdorimit për biznes”.
Këto objekte janë të lehta, por edhe të fuqishme në të njëjtën kohë. Dronët janë testuar tashmë dhe mund të transportojnë një ngarkesë prej një kilogram në një largësi deri në 10 kilometra pa qenë e nevojshme të rikarikohet bateria e tij. Ai fluturon në autonomi të plotë në rrugë ajrore shumë i sigurtë dhe me një qartësi të plotë. Në një afat prej 5 vjetësh duhet të llogaritet me prova deri sa të bëhet një përdorim efektiv dhe me fitim i Droneve. Këto objekte mund të shërbejnë në situata shumë të vështira, për shembull për ti dhënë shërbim një zone të banuar të shkëputur nga pjesa tjetër pas një kohe të keqe apo fatkeqësish natyrore. Apo për të transportuar gjëra specialë dhe të shpejta siç janë analizat laboratorike. Ndërsa për të shprendarë postën akoma nuk ka një parashikim nëse mund të behet në rrugë ajrore, pra me Dron.
