Senati i Universitetit të Tiranës si dhe Forumi për Liri Akademike kërkojnë rishikimin e disa neneve të projektligjit të Arsimit të lartë dhe kanë kundërshtuar tërësisht kapitullin 12, i cili sipas tyre, e fut universitetin publik në një rrugë të rrezikshme dhe krejtësisht të panjohur. Përfaësuesit e Forumit kanë dorëzuar gjithashtu edhe memorandumin e firmosur nga më shumë se 200 pedagogë
“Studentet nese nuk kane para nuk do te mund te vijojne masterin, premtimi per kredite studentore eshte bere ne ajer. Flitet per autonomi, por ajo nuk i takon universiteteve. Anetaret e bordeve te administrimit do te jene te zgjedhur nga ministria ndersa agjencite qe do te ngrihen edhe do te vleresojne cilesine edhe do te shperndajne buxhetet ne emer te saj” , tha akademiku Artan Fuga. Kjo është një llogjikë e para dy shekujve, u shpreh ai.
Profesor Mark Marku tha se ky projektligj është autik dhe po ndihmon një grup të caktuar.
“Nuk ekziston autonomia universitare, madje, ishte një nga vërejtjet bazë që tha specialisti europian që tha: ky ligj nuk është për universitetet, figura ‘universitet’ nuk ekziston në ligj. Ekziston figura e ministrit, drejtorëve të agjencive, kryeministrit, por është ligj jo për universitetet. Tha tekstualisht: Është një rregullore e shtetit për universitetin”, tha prof. Mark Marku.
Ndërsa prof Zyhdi Dervishi tha se “ne duhet të ecim me dy linja. Universitetet publike pastërtisht publike, dhe universitetet private, pastërtisht private. Ato kalimet nga njëri status tek tjetri mendoj se janë shumë të parakohshme dhe do të krijojnë shumë probleme në Shqipëri”.
