Arbion Aliko është paraqitur sot para trupit gjykues të Skallës së Parë të Krimeve të Rënda, për tu njohur me masën e sigurisë për ngjarjet e vitit të kaluar në Lazarat.
Trupi gjykues e ka lënë nën masën e sigurisë “arrest në burg”, njërin prej vëllezërve Aliko.
Arbion Aliko, i cili u arrestua dy netë më parë bashkë me vëllanë e tij Alban Aliko, për ngjarjet e fundit në Lazarat, ka qenë në kërkim prej rreth një viti nga Interpoli.
Arbion Aliko, figuron si i kërkuar në listën e Interpol, por policia shqiptare nuk kishte mundur ta lokalizonte dhe ndalonte atë. Ai akuzohet për “tentativë vrasje në bashkëpunim të oficerëve të policisë” dhe “posedim armësh zjarri dhe municione”, akuza për të cilat u la sot në “arrest në burg”.
Ndërkohë, pritet që Arbion Aliko dhe vëllai i tij Alban Aliko, të dalin për masë sigurie edhe për ngjarjet e fundit në Lazarat, ku u vra një efektiv i RENEA-s dhe u plagosën dy të tjerë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
