Një shpërthim tritoli ka ndodhur mesnatën midis të mërkurës e të enjtes në Fushë Krujë. Nga ky shpërthim, në një lokal pranë rrugë nacionale, është dëmtuar billborderi i kandidatit të PD-së për zgjedhjet lokale, që dyshohet ka qenë edhe objekti i shpërthimit.
Shpërthimi ka ndodhur te lokali “7 yjet”, në pronësi të 45-vjeçarit Kurt Tira nga Borizana. Shpërthimi ka shkaktuar dëme të konsiderueshme te lokali. Janë shkaktuar dëmtime te gjeneratori i lokalit, janë dëmtuar xhamat, ndërkohë që është dëmtuar edhe një automjet i parkuar aty pranë, tip “Sharon”, ngjyrë gri. Automjeti i dëmtuar me targa KR 8533 A mësohet se i përket shtetasit Albert Hidrollari.
Përveç dëmeve materiale, nuk ka persona të mundshëm të lënduar.
Polica ka shkuar vendngjarje dhe po heton për autorët dhe shkaqet, ende të paditura.
Në kqyrjen e vendit të ngjarjes kanë marrë pjesë eksperte Xhenier të Njësitit Anti Eksploziv Reparti RENEA Tiranë, te cilët do të përcaktojnë sasinë dhe llojin e kësaj lënde shpërthyese.
Janë kryer veprimet e para hetimore dhe po punohet për identifikimin , zbulimin dhe kapjen e autorit të kësaj ngjarje.
Materialet proçeduriale do ti kalojnë Prokurorisë pranë Gjykatës së Shkalles së Parë Krujë për veprime të mëtejshme për veprën penale të “ Shkatërrimit të pronës me eksploziv” dhe “ Mbajtjes pa leje të armëve dhe municionit luftarak” parashikuar nga nenet 152 dhe 278/4 të Kodit Penal.
Fushë Krujë, shpërthim te “7 yjet” hidhet në erë me tritol bollborderi i kandidatit të PD
