“Mazhoranca Rama-Meta apo Meta-Rama nuk po ndalet përpara as një akti të jashtëligjshëm dhe kriminal në funksion të dhunimit të vullnetit të qytetarëve që kanë vendosur të votojnë kandidatët e opozitës në zgjedhjet e 21 qershorit. Aktet e fundit në Vorë ku policia e shtetit është vënë tërësisht në shërbim e në urdhrat e Ilir Metës dhe LSI-së tregojnë qartazi që kjo mazhorancë, Meta por edhe bashkëpunëtori i tij Rama, janë gati të çojnë demokracinë drejt shkatërrimit dhe vendin drejt stabilizimit për interesat e tyre mafioze. Në Vorë policia e drejtuar prej Bujar Lazes nga Skrapari dhunon çdo ditë mbështetësit e opozitës, i ndalon, i keqtrajton dhe i kërcënon që të mos mbështesin kandidatin e djathtë Fiqiri Ismaili”, deklaroi nënkryetari i PD-së dhe kreu i grupit parlamentar të kësaj partie, Edi Paloka.
Ndërsa shoqërohej në këtë dalje nga anëtarë të stafit të Fiqiri Ismailit, të pretenduar se kanë denoncuar kandidatin e PD, për bashkinë e Vorës, Paloka shtoi më tej se, dhunë ndaj kandidatit dhe mbështetësve të tij, ka pasur në vazhdimësi këto ditë në Vorë.
“Dhunë direkte ka pasur gjatë gjithë kësaj kohe edhe ndaj biznesit të kandidatit Ismaili. Iu bllokua malli nga ministri i LSI-së. Iu bllokuan mjetet e punës dhe nga dje prej më se 14 orësh policia në mënyrë të paligjshme ka bllokuar tërësisht biznesin e tij. Me metoda tipike të sigurimit të shtetit kërcënohen dhe detyrohen qytetarët të bëjnë dëshmi të rreme në zyrat e komisariatit të LSI-së se gjoja kandidati i së djathtës ka kërkuar tu blejë votën”, vijoi Paloka.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
