Polici maqedonas në mënyrë brutale para të gjithë spektatorëve ka rrahur dy basketbollistët e rinj të skuadrës “Shkupi”. Incidenti ka ndodhur dje pas dite në orën 17.00 në një qytet maqedonas, Kavadar, bën të ditur Zhurnal.
Polici maqedonas pa asnjë lloj preteksti fillimisht ka rrahur dy basketbollistët dhe më pas edhe fëmijën 11 vjeçar.
Sipas mjekut të klubit “Shkupi”, Sinan Jusufi tmerri në Kavadar filloi që në fillim të ndeshjes sportive.
“Fillimisht filluan të shajnë gjithçka ndaj shqiptarëve dhe në një moment gjatë ndeshjes polici sulmon dy basketbollistët tanë që është një tmerr I vërtetë. Polici nuk u ndal por filloi ta godasë edhe fëmijën 11 vjeçar”, thotë Jusufi. Pas ndeshjes policia e qytetit nuk ka pranuar ta marrë denoncimin.
Mbi 200 tifozë maqedonas të klubit “Feni” kanë shprehur mllefin e tyre me brohoritje raciste si: “Shqiptari i mirë është shqiptar i vdekur”, “Dhoma gazi për shqiptarët”, “Le ta dinë shqiptarët e shkretë se emri i Maqedonisë nuk do të shuhet”, “Shqiptarëve do t’iu heqim kokën si zog”, etj., raporton Zhurnal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
