Kandidati i opozitës për Bashkinë e Tiranës, Halim Kosova, mund të pijë kafe me kryeministrin por edhe mund të mbajë për zëvëndës, ish-zëvëndësat e kryeministrit. Në emisionin Tonight të Ilva Tare ai tha se nëse zgjidhet kryetar, nënkryetare mund të ketë Albana Dhimitrin nëse ajo pranon. Deklaratat e Kosovës janë në vijim të sloganit të tij “unë nuk jam politikani tipik, ndoshta kjo është ajo që ju kërkoni”. Mendoni dot që Erion Veliaj të deklarojë se do të mbajë nënkryetar bashkie nëse fiton, nënkryetarin aktual Enno Bozdon.
Një pjesë nga debati:
Halim Kosova: Unë kam premtuar që do t’ia kthej Tiranën qytetarëve dhe them që do të votojnë jo vetëm demokratët, por edhe socialistët e ndershëm, ato që janë pa parti dhe ato që besojnë tek ndershmëria dhe nëse ju them një emër dhe nuk ma merr për ters asnjeri, për shembull Albana Dhimitri që e propozonte PS-ja, unë me shumë kënaqësi e kisha marrë sepse e vlerësoj shumë, për shembull po them, nënkryetare.
Ilva Tare: Duhet të pyesni partinë për këtë.
Halim Kosova: Unë jam i sigurtë që partia ka menduar që Halimi do mendojë më të mirën dhe unë do konsultohem por prapë vendimin dge përgjegjësinë e kam marrë vetë, dhe e kam marrë vetë me forcat e mia dhe me njerëzit që do vë unë përbri.
Albana Dhimitri ishte ndër emrat më të kuotuar nëse kandidate për Tiranën do të ishte një eksperte. Vetë ajo ka qënë nënkryetare e bashkisë së Tiranës, ndërsa tani është në stafin drejtues të kryeministrisë.
