Deputeti i PS-së, Ben Blushi i është përveshur sot ministres së Arsimit, Lindita Nikolla duke zgjeruar kështu harkun e ministrave që ai ka kritikuar në parlament. Blushi e akuzoi Lindita Nikollën se ka tradhëtuar arsimin. “Ka një ndryshim me tekstet alternative. Më parë shkolla kishte të drejtë të zgjidhte mes shumë teksteve, ndërsa sot zgjedh mes tre teksteve. Jam dakord me liberalizimin e teksteve, por pse vendosen tre? Kush i zgjedh këto tre tekste? Ministria thotë se ka një këshill, i cili është burokrat dhe ka treguar se është në nën presion të botuesve dhe shkruesve të teksteve. Ky ligj këtë nuk e zgjidh xhunglën e teksteve. Edhe një nga tekstet e mia ishin klonuar. Shkova të interesohesha dhe pashë që kishte më shumë tirazh në treg. Pra e kishin marrë tekstin tim dhe e kishin klonuar për të përfituar. Çështja e arsimit është e rëndësishme në Shqipëri. Këshilli Kombëtar i Teksteve duhet të emërohet nga Parlamenti. Ky amendament u krijon pasiguri mësuesve. Sepse thotë se nëse një prind është i pakënaqur për një mësues ai ka të drejtë të iniciojë procedurën e shkarkimit. Unë besoj se duhet t’u japim mësuesve më shumë garanci. Duhet t’i nxjerrim mësuesit nga zgjedhjet. Të mos përdoren më. Nëse mësuesi futet në komisione numërimi votash për të fituar punë, ka marrë fund arsimi. Pse duhet qeveria të emërojë mësuesit e Shqipërisë? Një deputet merr në telefon më emëron një mësuse nga fshati në qytet se janë në pushtet. A e dini sa i kushton kjo qeverisë?”, tha Blushi.
Po ashtu ministrja Nikolla është vendosur në qendër të akuzave nga Berisha i cili tha se po shpërdorohen fonde për arsimin në shuma të mëdha.
Ben Blushi: Ministria më klonoi librin
