Pas takimit që zhvilloi me Presidentin turk në Tiranë, kryeministri Edi Rama ka postuar në fb disa nga cështjet e bisedimeve me kreun eshtetit turk. “Me Presidentin Rexhep Taip Erdogan gjatë vizitës së tij njëditore në Tiranë, ku erdhi OK përfundimtar për financimin e ndërtimit të sallës së re të Kuvendit të Shqipërisë dhe të 25 shtëpive monument kulture në Gjirokastër, si edhe u diskutua mbi ecurinë e projekteve në fushën e zhvillimit rural, sigurisë, shëndetësisë, arsimit e kulturës. Mbledhja e përbashkët e dy qeverive që do të zhvillohet në gjysmën e dytë të vitit do t’u çelë rrugën këtyre projekteve që janë drejt finalizimit.”.
Nga ana e tij, Presidenti Erdogan tha se “Që kur kemi shkelur në tokën shqiptare ndjehemi si në shtëpinë tonë. Jam shumë i bindur që pas këtij takimi me një mik të afërt dhe shumë të shtrenjtë, zotin. Edi Rama mes Turqisë dhe Shqipërisë do hidhen hapa shumë të rëndësishëm dhe shumë të frytshëm. Marrëveshjen strategjike mes dy vendeve do ta firmosnim kur isha Kryeministër, por nuk arrita ta bëj për shkak të tragjedisë. Tani jam këtu si President i Turqisë, por unë shpresoj që në një kohë sa më të shkurtër dy Kryeministrat ta përmbyllin sa më shpejt këtë marrëveshje”, deklaroi Presidenti turk.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
