Të gjitha automjetet që do furnizohen me karburant deri në 200 litra do të përjashtohen nga taksat, ndërsa për mjetet e tjera do të ketë regjim standard sipas niveleve tarifore ligjore.
Këto ndryshime sanksionohen në urdhërin e firmosur prej Ministrit të Financave, Shkëlqim Cani, për disiplinimin e tregut të karburanteve.
Urdhëri që vjen në kuadër të aksionit të qeverisë kundër informaliteti në tregun e karburanteve, synon të disiplinojë importin e karburantit.
Urdhri i Ministrit Cani saktëson se “nuk lejohet përjashtim nga detyrimet e importit për karburantin që mbahet në serbatorë të lëvizshëm, që transportohet nga automjete private dhe motoçikleta që i përkasin banuesve të zonës kufitare”.
Në rast se nga administrata doganore konstatohet tejkalim i sasive të karburantit të përcaktuar, ndaj subjektit apo individit zbatohen të gjitha detyrimet e importit, sipas nivelit tarifor të zbatueshëm në datë kur ndodh mosrespektimi.
Kush furnizohet deri në 200 litra karburant, përjashtohet nga taksat
