Deputeti Ben Blushi ka shpjeguar më tej batutën e tij të mëngjesit me kolegun e tij socialist, Gramoz Ruci, të cilit më sa duket nuk i ka pëlqyer krahasimi me Tërmet Pecin.
Ai tha se nëse ndaj ndonjë pakënaqësi me Rucin ia them direkt atij dhe nuk kam nevojë të shprehem në tv apo media të tjera. Blushi shpjegoi se shqetësimet e tij janë edhe shqetësimet e Rucit, përfshirë edhe rastin e Tërmetit, për të cilin nuk është pyetur as ai. “Unë kam shqetësim faktin se nuk pyetetn strukturat e partisë, besoj se edhe Ruci këtë problem ka. Edhe ai si unë ka hatërmbetjet e tij dhe jo vetëm ai”, përfundoi Blushi.
Në fakt kryetari i grupit parlamentar socialist, Gramoz Ruci nuk është shprehur ndonjëherë publikisht kundër vendimeve të Ramës në PS.
