Rebeka, një vajzë 11-vjeçare nga Dakota e Jugut, i dërgoi një letër Shtëpisë së Bardhë gjatë muajit prill duke pyetur Presidentin pse ai nuk e kishte vizituar kurrë vendin e saj të lindjes.
Ajo donte t’i rikujtonte Obamës, se edhe Dakota e Jugut ishte pjesë e Shteteve të Bashkuara.
“Unë jetoj në Vermillion, SD. Jam 11 vjeç dhe dua të di pse nuk e viziton ndonjëherë Dakotën e Jugut? Ne kemi malin Rushmore, dhe kur unë shkoj në park, shoh shpesh kafshë të ndryshme, si kojota, skifterë dhe shqiponja. Të lutem na vizito! Kjo është zemra ime ngaqë ju nuk na keni vizituar (dhe në fletë Rebeka ka vizatuar një zemër të thyer)”, shkruan Rebeka për Presidentin Obama.
Por tani zemra e Rebekës mund të ngjitet sërish, sepse Shtëpia e Bardhë iu përgjigj letrës së Rebekës në Tëitter, duke lajmëruar se Presidenti Obama do ta vizitojë Dakotën e Jugut të premten.
Presidenti Obama pranon ftesën e 11 vjeçares “zemërthyer”
